2007 წლის 15 სექტემბერს, ჩვენმა რთველის დედოფალმა – ეკა ბასილაშვილმა (ქვეთავი 30, რთველი კახეთში, ბასილაშვილებთან) კვლავ შეგკვრიბა ძველი სართვლო შემადგენლობა და ახალ მეგობრებთან ერთად ძველი ანაგისკენ მიმავალ გზას გაგვიყენა. სასწავლო წლის დაწყების გადავადებასთან დაკავშირებით ჩვენი შარშანდელი ფერეიდნელი სტუმრები ირანში იმყოფებოდნენ და ამიტომ სამწუხაროდ ვერ მოახერხეს კახეთში გამომგზავრება.
ტრადიციისამებრ ჯერ სიღნაღში, წმინდა ნინოს მონასტერში შევიარეთ, სადაც ქართველებთან ერთად უამრავი უცხოელი სტუმარიც დაგვხვდა... წმინდა ნინოს საფლავის მონახულების და სანთლების ანთების შემდეგ ეზოში გამოვედით, რამდენიმე წუთის შემდეგ ეკამ თავისთან მიმიხმო და მასთან მდგომი სიმპატიური ახალგაზრდა კაცი, სამი შვილის მამა – სანდრო შანიძე გამაცნო. როცა ეკამ სანდროს ჩემი თავი წარუდგინა, აღნიშნა ჩემი ფერეიდანთან და ფერეიდნელებთან ურთიერთობის შესახებ. სანდროს ფერეიდანის ხსენებაზე ისეთი გამოცოცხლება დაეტყო, რომ შემდგომ საუბარში შევეცადე, რაც შეიძლება მეტი ინფორმაცია მიმეწოდებინა ირანში მცხოვრები ქართველების შესახებ. რა თქმა უნდა საუბარი ჩემს ”შინაურულ” საიტსაც შეეხო. ვუყვებოდი, თუ როგორ ვაგროვებდი ინფორმაციებს საიტში ასატვირთად. აქ კი სანდრომ შემომთავაზა, რომ პაპამისის, პოეტ ალექსანდრე შანიძის პირად არქივში ინახებოდა დაახლოებით ერთი საუკუნის წინ თბილისში ჩამოსული ფერეიდნელების ფოტო, რომელიც ჯერ არსად არ იყო გამოქვეყნებული და შეეძლო ეს უნიკალური ფოტო ჩემთვის ეჩვენებინა!
|
”სურათზე შუა რიგში მარცხნიდან მარჯვნივ მეორე სხედან: სეიფოლა იოსელიანი. მესამე ამბაკო ჭელიძე. სურათი გადმომცა ჩემმა მეგობარმა ქართველმა პედაგოგმა გიორგი აბულაშვილმა. იგი მოგზაურობდა სპარსეთში. 1927 წელს სეიფოლას გიორგისათვის უსახსოვრებია ქ. ისპაჰანში გადაღებული სურათი. ეს სურათი რომ არ დაკარგულიყო, ჩემივე თხოვნით გ. აბულაშვილმა მე გადმომცა. სურათი მეტად საინტერესოა, რადგან სეიფოლა იოსელიანი ფერეიდნელ ქართველებში იბრძოდა სწავლა-განათლების შეტანისათვის. ამბაკო ჭელიძე კი მსახურობდა თეირანში 1923 წლიდან. იგი მსახურობდა თეირანში დაარსებული საბჭოთა კავშირის ბანკის თანამშრომლად. მან კარგად იცოდა სპარსული. რამდენჯერმე უმოგზაურია ფერეიდანში. ქართველ სპარსელებში აქტიურად ავრცელებდა ქართულ კულტურას და ხელს უწყობდა ხალხში სწავლა-განათლების შეტანას”. ალექსანდრე შანიძე.
|
|
გთავაზობთ სეიფოლა იოსელიანის შესახებ ამონარიდებს ზურაბ შარაშენიძის წიგნიდან ”ფერეიდნელი ”გურჯები”:
|
მიხა ხელაშვილი
”რაც რომ ქაღალდი ჩაუვარდებოდა ხელში, იმაზედა სწერდა...”
”პატარა რომ ვიყავი, 6-7 წლისა, ლექსობა დავიწყე. ერთ ვიღაც მეზობლის კაცს უთქვამს: ”აე, ბალღი ლექსობს, მამის ფერი გამოვაო!” გაჰკვირვებია პატარა თამარს და მაშინღა გაუგია, თუ ვისი შვილი ყოფილა...
შენიშვნა: ბოლო ხელნაწერები არ ეკუთვნის მიხა ხელაშვილს. როგორც ჩანს გადამწერმა სიტყვა ”ოხერო” |
”ნათხოვი ვყავდი მიხასა, ჯვარი უნდა დაგვეწერა, რომ მამა დამეღუპა. მანამ მამის წლისთავი გავიდოდა, მიხაი გავარდა. დასდევდა მილიცია, ჩვენსა რომ მოვიდოდა, დედაჩემი ჯავრობდა და ეხვეწებოდა: − ნუ მოხვალ ჩვენსა, მთავრობა დაგვაღონებს, ქალს დამიწიოკებენ. ტყეში გასულს ქალს ვეღარ მივცემ, თავი დაგვანებეო. მე წუხდი. მიხასაც ძალიან ვუყვარდი. ის მე რას თავს დამანებებდა. ხშირად მეუბნებოდა: − ავადს წაგიყვან, დედაშენი იყოს, სხვა ქალებმა უგდონ ყურიო (ფოცხვერას ვაჟი არა ჰყავდა). მე ვერა ვბედავდი ჯალაფთ უკითხავად ისიც დედის უპატრონოდ დატოვებას. თან მიხაი გასული იყო, შინ ვერ იქნებოდა. მე ვეუბნებოდი: − თუ საცა შენა ხარ, იქ წამიყვან, წამოვალ თუ არა და ახადს რა გავაკეთოო. ასე გავიდა დრო. აბა 15-16 წლის ქალს რა ძალა და გონი მქონდა. ახლა ძალიან მიყვარდა მიხაი. ასე შინ დავრჩი და ყაჩაღის ცოლი კი გავხდი. დედაჩემი ჩხუბობდა, მაგას ვინ იცის, სად მოჰკლავენ, რა გეშველება, რაზე ჩაიგდე თავი ცეცხლშიო. მე სულ არ მეყურებოდა არაფერი, მარტო ის მეამაყებოდა, რომ მიხას ცოლი ვიყავ და ის ჩემი იყო. რა დარდი მქონდა ან ჯვრისწერისა ან ქორწილისა, ქალი გაიჩნდა. ჩემისთანა აღარავინ მეგულებოდა.
ბევრჯერ გამიყენეს სამაღაროსკარო გზასა ბალღაკიდებული. ბევრი ტანჯვა-წვალება შემხვდა, ბევრი დაკითხვა და დამუქრება. კიდევ იმითა ვნუგეშობდი, მესარჩლებოდნენ, თუ კი ფშაველი ვინ იქნებოდა. ვახტანგი ძალიან კარგად მექცეოდა. თითქმის პატრონობას მიწევდა, როგორც ახლობელი მეზობელი. მიხა ჩვენსა აღარ დადიოდა. თუ მთაში სადმე მნახავდა და სულ იმას მარიგებდა: − ნუ გეშინია, მე ესენი ვერ მომკლავენ. აქით მალე სულ წავალთ ისეთ ადგილსა, რო ჩვენი მცნობი არც მთავრობა და არც მილიცია იყოსო. გაიძლე ცოტა ხანსაცაო. მთავრობაში ისა თქვი, მიხა ჩემი არაფერია, არც ბალღი მყავ მაგისა, არც ვიცი სად არიო.
ბალღი არ ენახა. ერთხელ შემომითვალა სახლს იქით მამულში გაიარე. იქ დაჯექი ბალღი დურბინდით უნდა ვნახოო. მე ძალიან მეწყინა: − რად არ შინ მოიდაო, განა არ ვიცოდი ჩვენს სახლს ტყიდან მილიცია ჰყარაულობდა. იქ იმის მოსვლა სიკვდილს უქადდა. ბალღი გავიყვანე. ნახა ალბათ, შემომითვალა, აბა შენ იცი, არ დაღონდეო. ჩემმა მულებმა თქვეს კახეთს წავა ისევაო.
შემოდგომაზე მოვიდა. ჩვენსა ვერ მოდიოდა. მთავრობამ რომ გაიგო, ისევ დევნა დაუწყეს.
ერთ დღეს, ზამთრის პირი იყო თოვლი იყო ჩვენს ეზოში მოვიდა გარეთ გამოვედი და მივეგებე. შინ ვერ შემოვალ ჩქარა უნდა წავიდე აქ არავინა მნახოსო. თქვა, ამ ზამთარს კახეთში მივდივარ, შენ აქ იყავ გაზაფხულზე შენაც წაგიყვან, თუ არ მომკლეს და ცოცხალი დავრჩი, თუ მომკლეს შენ იცი შენი თავისა, ნუ გასთხოვდები, ახადს წაგიყვანენ ჩვენები თუ ჯალაფთ არ დაგაყენეს და ჩხუბი დაგიწყეს. იქ თავის საკუთნო ოჯახში იქნები. ქვეყნის მოჯამაგირეობას ის გირჩევნია ე შვილი კარგად თავის კერაზე გაზარდო და თავადაც უსაყვედუროდ იყო. ახლა შენ იცი, მე ვერ შეგისრულებ დანაპირებს მაშინ თუ ცოცხალი არ ვიქნები და შენც დასთმეო. გამომეთხოვა და წავიდა რა ვიცოდი თუ ცოცხალს ვეღარა ვნახავდი. იმის შემდეგ ბევრი წვალება ვნახე ბევრი ტანჯვა გამოვიარე. მიხაი კი არამ დამავიწყა”.
მონუსხულით ვუსმენდი გარდასულ დღეთა მოგონებებს. ბოლოს ვთხოვე ქალბატონ თამარს, ხელნაწერები ჩემთვის ეთხოვებინა, რომ დამესკანირებინა და ისე შემენახა (დედის სურათზე კი ვეღარ შევბედე...).
გამომშვიდობებისას ქალბატონმა თამარმა მაჩუქა მამამისის, მიხა ხელაშვილის წიგნი ”ლექსო, ამოგთქომ, ოხერო” წარწერით: ”გიორგი ალავერდაშვილს, სახსოვრად მამაჩემის წიგნი, როგორც საქართველოსთვის თავდადებულ კარგ ქართველს. თითოეული ნამდვილი ქართველი მილიონი უღირს ჩვენს უფსკრულის კიდეზე მისულ ტანჯულ საქართველოს.
სიცოცხლე და სიკეთე ყველა ნამდვილ ქართველს თქვენის ჩათვლით.
21 ოქტომბერი. ქვემო ქედი. თამარ მიხას ასული ხელაშვილი”.
ქალბატონ თამარს ჰყავს ერთადერთი მარჩენალი ძროხა, ორი ინდაური, სამი ციცირი და ერთი ძაღლი. ყოველთვის წელში ამაყად გამართული იმედით გაჰყურებს ჭიშკარს, იქნებ ვინმეს გაახსენდეს და მოიკითხოს, როგორც წარსული.
დეიდა თამარ! მოგვიანებით გიგზავნით თქვენს ფოტოსურათებს, ჟურნალ „გზის“ იმ ნომერს, სადაც ჩემი ინტერვიუ დაიბეჭდა და ტექსტს, რაც ჩადებულია ჩემს საიტში. ამ საიტის საშუალებით მთელ მსოფლიოში გაფანტულმა ქართველობამ გაიგო თუ ვინ იყო მიხა ხელაშვილი. ძალიან ბევრი გამოხმაურებაც მომივიდა. მინდოდა პირადად მენახეთ და თვითონ გადმომეცა ეს მასალები, მაგრამ ეტყობა სანდრო ისე გამოემგზავრა, რომ ვეღარ შემატყობინა. ბოდიშს კი მოგიხდით, მაგრამ ფოსტით გამოგიგზავნით.
|
პატივისცემით, გიორგი ალავერდაშვილი. 06.03.2009 |
2010 წლის 25 იანვარი |
|
მიხეილ ღანიშაშვილი და გოგი დოლიძე |
მიხეილ ღანიშაშვილი და ერეკლე უგრელიძე |
დუშეთის ქალთა ფოლკლორული ტრიო "დები ნაყეურები" |
მგალობელთა ერთი გუნდი |
პატარა ლუკა რაზიკაშვილი |
2011 წლის 25 იანვარი |
|
მიხეილ ღანიშაშვილი (ილტოსპირელი). |
|
ქეთევან დოლიძე. |
ერთად დავეხმაროთ მიხას ქალიშვილს ქალბატონ თამარ ხელაშვილს 2010 წლის 12 აპრილი სამების საკათედრო ტაძარი საპატრიარქოს ახალგაზრდული ცენტრი |
2013 წელი, 11 მაისი, შაბათი საქართველოს პარლამენტის ეროვნული ბიბლიოთეკა ფოტო-გალერეა |
|